ਇਸ ਪੁਸਤਕ ਵਿੱਚ ਸ਼ਾਮਿਲ ਸਮੁੱਚੇ ਲੇਖ ਗੁਰੂ ਨਾਨਕ ਸਾਹਿਬ ਦੀ ਬਾਣੀ, ਵਿਸ਼ਾਲ ਵਿਅਕਤਿਤਵ, ਦਰਸ਼ਨ ਅਤੇ ਕਵਿਤਾ ਦੇ ਆਲੇ ਦੁਆਲੇ ਘੁੰਮਦੇ ਹੋਏ ਉਨ੍ਹਾਂ ਦੇ ਜੀਵਨ ਦੇ ਵਿਭਿੰਨ ਪਹਿਲੂਆਂ ਉੱਪਰ ਝਾੜ ਪਾਉਂਦੇ ਹਨ । ਇਨ੍ਹਾਂ ਲੇਖਾ ਵਿੱਚ ਗੁਰੂ ਨਾਨਕ ਸਾਹਿਬ ਦਾ ਵਿਸ਼ਾਲ ਵਿਅਕਤਿਤਵ ਉੱਘੜ ਕੇ ਸਾਹਮਣੇ ਆਉਂਦਾ ਹੈ । ਪੁਸਤਕ ਵਿਚ ਦਰਜ ਖੋਜ ਪੱਤਰ ਗੁਰੂ ਨਾਨਕ ਸਾਹਿਬ ਦੀ ਬਾਣੀ ਦੇ ਸਰੋਕਾਰਾਂ ਨਾਲ ਸੰਵਾਦ ਰਚਾਉਂਦੇ ਹੋਏ, ਉਨ੍ਹਾਂ ਦੇ ਅਧਿਆਤਮਕ ਦਰਸ਼ਨ ਦੇ ਦੀਦਾਰ ਕਰਵਾਉਂਦੇ ਹਨ । ਆਸ ਹੈ ਕਿ ਪਾਠਕ ਸਤਿਗੁਰੂ ਦੇ ਜੀਵਨ ਫ਼ਲਸਫੇ ਤੋਂ ਭਰਪੂਰ ਆਨੰਦ ਉਠਾਉਣਗੇ ।