ਇਹ ਨਾਵਲ ‘ਵਿਕਟਰ ਹਿਊਗੋ’ ਦਾ ਲਿਖਿਆ ਹੋਇਆ ਹੈ ਜਿਸਨੂੰ ਪੰਜਾਬੀ ਵਿਚ ਉਲਥਾ ਨਾਨਕ ਸਿੰਘ ਨੇ ਕਰ ਪੇਸ਼ ਕੀਤਾ ਹੈ । ਇਸ ਨਾਵਲ ਦਾ ਨਾਂ ‘ਪੱਤ-ਝੜ ਦੇ ਪੰਛੀ’ ਇਸ ਲਈ ਹੈ ਕਿਉਂਕਿ ਇਸ ਦੇ ਪਾਤਰ ਟੋਮ ਤੇ ਡੀਆ ਸਚ ਮੁਚ ਪਤ-ਝੜ ਦੇ ਪੰਛੀਆਂ ਦਾ ਜੋੜਾ ਹੈ । ਟੋਮ ਬਦਸੂਰਤ ਹੈ, ਤੇ ਡੀਆ ਅੰਨ੍ਹੀਂ । ਇਕ ਦੀ ਜੀਵਨ-ਬਹਾਰ ਕੁਦਰਤ ਨੇ ਖੋਹ ਲਈ, ਦੂਸਰੇ ਦੀ ਮਨੁੱਖ ਨੇ । ਦੁਹਾਂ ਦਾ ਜੀਵਨ ਅਜਿਹੀ ਪਤ-ਝੜ ਹੈ, ਜਿਸ ਉਤੇ ਕਦੇ ਵੀ ਬਹਾਰ ਨਹੀਂ ਆਉਂਦੀ । ਲੇਖਕ ਨੇ ਜਿਥੇ ਇਨ੍ਹਾਂ ਦੁਹਾਂ ਬਦਨਸੀਬਾਂ ਦਾ ਅਚਿੰਤੇ ਹੀ ਜੋੜ ਜੋੜਕੇ ਤੇ ਚਾਨਚਕ ਹੀ ਦੁਖ-ਅੰਤ ਦਰਸਾ ਕੇ ਸਾਡੇ ਕਲੇਜਿਆਂ ਵਿਚੋਂ ਹੂਕਾਂ ਕਢਾ ਦਿਤੀਆਂ ਹਨ ।