ਇਸ ਪੁਸਤਕ ਵਿਚ ਪੰਨੇ ਖਾਲੀ ਰੱਖੇ ਗਏ ਹਨ ਜਿਨ੍ਹਾਂ ਨੂੰ ਪਾਠਕਾਂ ਨੇ ਆਪਣੀ ਅਕਲ ਤੇ ਰੁਚੀ ਅਨੁਸਾਰ ਭਰਨੇ ਹਨ । ਇਸ ਵਿਚ ਥਾਂ ਪਰ ਥਾਂ ਕਈ ਨੋਟ ਵੀ ਦਿੱਤੇ ਗਏ ਹਨ । ਇਹ ਪੁਸਤਕ ਆਪਣੀ ਆਤਮਾ ਦੀ ਮੌਲਿਕ ਤਸਵੀਰ ਹੋਵੇ, ਇਹ ਕਿਸੇ ਦੀਆਂ ਅੱਖੀਆਂ ਲਈ ਨਹੀਂ, ਨਿਰੋਲ ਆਪਣੀ ਆਤਮਾ ਦੀ ਪੜਤਾਲ ਤੇ ਅਸਵਾਹੀ ਲਈ ਲਿਖੀ ਜਾਏ । ਜਿਹੜਾ ਜਾਚਕ ਪੰਜ ਸਾਲ ਬਾਕਾਇਦਾ ‘ਪ੍ਰਣ-ਪੁਸਤਕ’ ਭਰ ਸਕੇਗਾ, ਉਹ ਆਪਣੇ ਵਿਚ ਇੱਕ ਨਵਾਂ ਤੇ ਪ੍ਰਬਲ ਜੀਵਨ-ਪ੍ਰਕਾਸ਼ ਵੇਖੇਗਾ । ਉਸ ਵਿਚ ਸ੍ਵੈ-ਪੂਰਨਤਾ ਦੀ ਤਾਂਘ ਏਡੀ ਤੱਕੜੀ ਹੋ ਜਾਏਗੀ, ਕਿ ਉਹ ਸਾਵੀਂ ਪੱਧਰੀ ਜ਼ਿੰਦਗੀ ਦੀ ਅਡੋਲਤਾ ਤੋਂ ਸਾਰੀ ਦੁਨੀਆ ਦੇ ਖ਼ਜ਼ਾਨੇ ਵਾਰ ਸਕੇਗਾ ।