ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਪਵਿੱਤਰ ਬਾਣੀ ਦੇ ਪਾਠ ਕਰਨ ਤੇ ਸਮਝਣ ਵਿੱਚ ਔਖਿਆਈ ਹੋ ਰਹੀ ਹੈ । ਇਸ ਦਾ ਕਾਰਨ ਸਾਡੇ ਵਿੱਚ ਉੱਦਮ ਦਾ ਘਾਟਾ ਹੈ, ਪਰ ਕੁਝ ਕਾਰਨ ਇਹ ਵੀ ਹੈ ਕਿ ਬਾਣੀ ਦੀ ਪੜ੍ਹਾਈ ਅਤੇ ਇਸ ਨੂੰ ਸੌਖਾ ਕਰ ਦੱਸਣ ਲਈ ਪੁਸਤਕਾਂ ਭੀ ਘੱਟ ਲਿਖੀਆਂ ਗਈਆਂ ਹਨ । ਜਿਹੜੀਆਂ ਮਿਲਦੀਆਂ ਭੀ ਹਨ, ਉਨ੍ਹਾਂ ਦੀ ਕੀਮਤ ਬਹੁਤ ਹੋਣ ਕਰ ਕੇ ਆਮ ਲੋਕੀਂ ਉਨ੍ਹਾਂ ਤੋਂ ਲਾਭ ਨਹੀਂ ਉਠਾ ਸਕਦੇ । ਇਸ ਔਕੜ ਨੂੰ ਦੂਰ ਕਰਨ ਲਈ ‘ਗੁਰ ਸੇਵਕ ਸਭਾ’ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਇਹ ‘ਸ਼ਬਦਾਰਥ’ ਟੀਕਾ ਕਰਾਉਣ ਦਾ ਉੱਦਮ ਅਰੰਭਿਆ ।